 |
| update 最新旅遊地圖先~ |
2016可以用「密食當三番」來形容呀，多次善用公眾假期或星期六、日玩短線遊，分別為年頭的星、馬及印尼之旅，及剛於國內四川過了白色聖誕。
2016年12月18日 星期日
Day 24 享受美食(納米比亞Lüderitz)
(Day 24)2015-10-4
住宿：Shark Island Camp Site
行程：Betta —> Aus —> Lüderitz
行車里數：350km
於露營車瞓到自然醒，每天早上通常是被耀眼的太陽光所弄醒的。瑞士長輩們比我們早起，已陸續收拾行裝離去，並跟我們道別，有個嬸嬸還特登於住宿的士多買了一個「搖搖」送俾港女添~
2016年12月3日 星期六
Day 23(下) 迷失死亡谷(納米比亞Sossusvlei)
(Day 23)(下) 2015-10-3
住宿：Betta Campsite & Gas Station
行程：Solitaire —> Sossusvlei —> Betta
行車里數：320km
吃過早餐，開車繼續前進，到達一個停車場，而停車場前方還有一條十分鬆軟的沙地路面，但有標示說明，只有四驅車才可駛進，否則可以將車輛停泊此，並乘搭接駁車輛內進。
2016年11月27日 星期日
Day 23(上) 紅色沙漠(納米比亞Sossusvlei)
(Day 23)(上)2015-10-3
住宿：Betta Campsite Gas Station
行程：Solitaire —> Sossusvlei —> Betta
行車里數：320km
提起沙漠，大家一定想到全世界最大的撒哈拉沙漠，但原來納米比亞有全球最古老的沙漠，也有全球最高的沙丘。來到納米比亞，絕對不能錯過去Sossusvlei欣賞沙丘的機會。
2016年11月20日 星期日
Day 22 橫渡成功(納米比亞Henties Bay)
(Day 22)2015-10-2
住宿：Weltevred Guest Farm
行程：Henties Bay —> 鯨灣港 —> Solitaire近郊
行車里數：440km
Henties Bay
昨晚雖然天氣惡劣，整晚寒風凜冽，但係露營車內的安樂窩，睡得異常安好，因為從「死」米手環顯示了前所未有的長時間深層睡眠。
2016年10月10日 星期一
2016年10月3日 星期一
Day 21 探訪土著(納米比亞Kamajab)
(Day 21)2015-10-1
住宿：Buck’s Camping Lodge
行程：Outjo —> Kamajab —> Henties Bay
行車里數：484km
Outjo
這裡氣候跟早前露營的地方完全不同，前一晚都還感到一點點熱，這裡入夜後只有寒冷，就算關好晒帳篷內的簾，昨晚還是凍醒了好幾次。結果死死地氣起身，拆張厚毯用。
2016年9月27日 星期二
Day 20(下) 大地任我行之－美男廚房(納米比亞Outjo）
(Day 20)(下) 2015-9-30
住宿：Buschfeld Rest Camp
行程：Dlvundu —> Rundu —> Otavi
—> Outjo
行車里數：730km
Otavi
駛到近Etosha National Park，網上中文叫埃托沙國家公園。租車公司職員極力推薦我地開車進入該國家公園，可能我們早前已經參加了Safari，動物也看夠，而且要追行程，所以過門不入，希望把握時間探索其他名不經傳嘅地方吧。
2016年9月24日 星期六
Day 20(上) 公路旁的午餐 (納米比亞東北部)
(Day 20)(上) 2015-9-30
住宿：Buschfeld Rest Camp
行程：Dlvundu —> Rundu —> Otavi —> Outjo
行車里數：730km
Dlvundu
起身食麵包、烚蛋、乳酪及即沖麥皮，還有經過了兩個國家、由贊比亞時酒店打包早餐時剩低嘅蘋果汁。昨日於超市買的麵包，好乾好粗糙、好惡啃，要一啖麵包一啖水先吞到。烚蛋跟昨日一樣，煲水時順道烚熟雞蛋，而滾水也可用來沖麥皮。早餐簡簡單單，簡單就是美。
2016年9月14日 星期三
Day 19 最後一關(納米比亞東北部)
(Day 19) 2015-9-29
住宿：Popa Falls Resort by Namibia Wildlife Resorts
行程：Kasane(博茨瓦納) —> Katima Mulilo(納米比亞) —> Caprivi Camp Park —> Dlvundu
行車里數：710km
橫渡非洲之旅，終於來到最後一個國家。這行程全是陸路過境，經過一些較少港人使用的關口，未出發前已預計過關會波折重重。數數手指，共要過六關，雖然多了一關，但我仍然用過五關斬六將來形容。現在最後一關，又遇麻煩了⋯
2016年9月4日 星期日
Day 18（下）有乜好過去真Camping(Kasane－博茨瓦納)
(Day 18)(下) 2015-9-28
住宿：Kwalape Safari Lodge
行程：維多利亞瀑布城(津巴布韋) —> Kasane(博茨瓦納)
玩完非洲露營車後，都幾鍾意這種旅遊方式。所以對早前大台播出嘅"有乜好過去Camping"真係好有興趣，可惜⋯
2016年8月24日 星期三
Day 18(中) 非洲笨豬跳（維多利亞瀑布城－津巴布韋)
(Day 18) (中) 2015-9-28
行程：維多利亞瀑布城(津巴布韋)
於維多利亞瀑布一帶已逗留接近一星期，係時候要離開了。不過還有一樣重頭戲未做，就係，笨。。。豬。。。跳。。。
2016年8月19日 星期五
忽然高調開專頁
銀仔成日話自己低調，但近來就忽然高調，係臉書學人開了個專頁，分享嘅全是關於旅遊或經歷。臉書專頁與這遊記不同的是以重點來分享，其實我都好想在這裡分享，不過就怕打斷自己嘅遊記。以下是專頁的介紹：
2005年感情生活落空，來了一場說走就走的旅行。自此便愛上背起大背包來獨遊。第一次獨遊確立了旅途上無定向、想做就做、絕不隨波逐流的旅行風格。翌年去了對當時香港人來說仍算新鮮的克羅地亞、波斯尼亞等地。回來後，朋友不時問及冷門國度的經歷，便開始寫blog記錄。以旅遊為主題的《銀仔流浪記》就此誕生，現已累積了四百多篇文章了。
起初寫Blog是用來記下遊歷時的見聞和感受，從來無諗過會有人睇，但竟然能從中認識了不少志同道合的朋友，也累積了一些讀者。不過我仍堅守最初寫遊記的初心，就是著重記下親眼的所見所聞，資料則為次要。因為我總覺得資訊瞬息萬變，上網搜尋一定最新最準，但旅途上的感覺是最獨特、不會改變的。
十年過去，銀仔已於地球六大洲約六十多個國家留下不少足跡。每去一個旅程前，身邊總是有人潑冷水或感到擔心。可幸每個旅程遇到的人和事，總會戰勝了出發前的不安，也令到我對探索世界更樂此不疲。
近年因緣際會，出席了一些關於旅遊的分享活動。有感熱愛旅遊、探索地球這團火燒得正烈，所以現在再聽從一些朋友建議，開個專頁來分享歷年來所見、所聞、所想吧。
下面嘅係我專頁條link，唔買都睇吓啦～
2016年8月15日 星期一
Day 18 (上) 無敵露營車(維多利亞瀑布城－津巴布韋)
(Day 18) (上) 2015-9-28
住宿：Kwalape Safari Lodge
行程：維多利亞瀑布城(津巴布韋) —> Kasane(博茨瓦納)
橫渡非洲之旅由今日開始，將會用露營車嘅方式，走埋最後一段。自駕遊方式都幾得我歡心，亦喺不少國家試過。雖然曾於非洲埃及自駕，但喺原始嘅非洲南部自駕，感覺十分特別。至於露營，咁大個人只係十幾年前歷奇課程玩過一晚咁大把。要同港女兩個人喺荒涼嘅非洲原野露營，真係諗起都刺激呀！
2016年8月6日 星期六
Day 17 不同角度來觀賞(維多利亞瀑布津巴布韋)
(Day 17) 2015-9-27
住宿：A’zambezi River Lodge
行程：Livingstone(贊比亞) —> 維多利亞瀑布城(津巴布韋)
今日行程的重點－用不同角度欣賞全球三大瀑布之一嘅維多利亞瀑布。先入津巴布韋的園區近距離觀賞，下午就乘坐微型飛機，驚險地從空中俯瞰。去過伊瓜蘇及維多利亞瀑布，現在剩下最易去嘅尼亞瓜拉瀑布就集郵成功。不過咁先進發達嘅地方，尚未在將來計劃之中。
2016年7月30日 星期六
Day 16 熟悉的地方(贊比亞Livingstone)
(Day 16) 2015-9-26
住宿：Jolly Boys Hostel
行程：Chobe國家公園 —> Kasane(博茨瓦納) —> Livingstone(贊比亞)
0515起床，走出個營感到寒氣迫人，天色剛開始泛紅。慢慢，陽光照遍整個大地，非洲草原亦再次生機勃勃。（港女按：雖然話露營，但營內有床褥枕頭，又好乾淨。曬完一日，而且仲未適應時差，當然好好瞓啦。）
2016年7月23日 星期六
Day 15 (下) 獅子的盛宴(博茨瓦納Chobe國家公園)
(Day 15) (下)2015-9-25
住宿：Chobe國家公園營地
行程：Livingstone(贊比亞) —> Chobe國家公園(博茨瓦納)
食飽飽後再出發，用陸路嘅方式來Safari。今次登上一架吉普車，可容納大約十人。車上只有一條圍欄及頂蓬，如遇猛獸襲擊不知如何是好⋯
2016年7月15日 星期五
Day 15(上) 再次河上Safari (博茨瓦納Chobe國家公園)
(Day 15) (上)2015-9-25
住宿：Chobe國家公園營地
行程：Livingstone(贊比亞) —> Chobe國家公園(博茨瓦納)
今日將會離開贊比亞，前往鄰國博茨瓦納的Chobe國家公園Safari。這Safari tour兩日一夜，需要在國家公園內露營。這tour由港女出發前係香港book定的，團費每人$296-USD + $70-USD接送往來Livingstone，跟早前於Jolly boys Hostel見嘅價錢差不多。
2016年6月20日 星期一
2016年6月16日 星期四
Day 14 接機(贊比亞Livingstone)
(Day 14) 2015-09-24
住宿：OLGA's the Italian Corner
行程：Livingstone
尋晚因為房間裡無蚊帳，被蚊不停轟醒，唔想被蚊轟就要蓋過頭，但又會熱得濟，所以瞓得唔好。斜對面床個女仔都話有晚上蚊騷擾。之後見個女仔大模斯樣、背著我就係張床上換衫，不過有流浪開就應該見怪不怪了~
2016年6月11日 星期六
Day 13 期待(贊比亞Livingstone)
(Day 13) 2015-09-23
住宿：Jollyboys Hostel
行程：Livingstone
8點幾起床後，又痾左一次，自尋日到埗後再無食止痾藥了。梳洗時剃乾淨留了多日嘅鬍鬚先，靚靚仔仔準備聽日接港女~
2016年6月5日 星期日
Day 12 最正Hostel（贊比亞Livingstone)
(Day 12) 2015-09-22
住宿：Jollyboys Hostel
行程：Lusaka —> Livingstone
今日即將前往贊比亞Livingstone，是會合港女嘅地方，也是非洲南部最熱門景點之一，維多利亞瀑布所在地。我橫渡非洲路程嘅中間位，即是旅途已過了一半了～ 這裡是這旅程嘅分界點，前半部用最地道、經濟嘅方式來游走；後半段則用上豪華遊、自駕、及我從來未玩過嘅露營車。非洲南部自駕、非洲玩camping，真係諗起都覺得型呀！這趟旅程用了各種不同嘅方式，感受原始嘅非洲南部，絕對係珍貴嘅經歷。
2016年5月28日 星期六
Day 11 饑饉三十非洲篇(贊比亞Lusaka)
(Day 11) 2015-9-21
住宿：Stayeasy Hotel
行程：Lilongwe (馬拉維) —> Lusaka(贊比亞)
逗留了馬拉維首都一個晚上，今日就要馬不停蹄一路向西，坐長途過境巴士往贊比亞首都Lusaka。為何咁急？咪想追返早前攪簽證浪費咗嘅光陰囉⋯
2016年5月23日 星期一
Day 10 艷遇(馬拉維Lilongwe)
(Day 10) 2015-9-20
住宿：Mabuya Camp
行程：Cape Maclear —> Lilongwe
尋晚半夜都痾左幾次，又發冷又頭痛，好在朝早已無發冷跡象。晨早又比個肚痛醒左，因為晏d要長途車離開，啪返幾粒喇叭牌穩陣D。
2016年5月16日 星期一
Day 9 潛入馬拉維(馬拉維Cape Maclear)
(Day 9) 2015-9-19
住宿：Fat Monkeys
行程：Cape Maclear
可憐嘅我尋晚熱到成晚滿頭大汗，加上坐左成日車舟車勞頓，個肚痛又唔舒服，攪到晨早就醒左，好似成晚都無瞓過咁⋯ 今晚一定要搵間好住宿！
2016年5月11日 星期三
續Day 8 給我一個吻(馬拉維Cape Maclear)
續(Day 8) 2015-9-18
住宿：不知名簡陋住宿
行程： Mongochi —> Cape Maclear
45分鐘電單車尾嘅車程，全是碎石泥路，終於於日落前，看到遠方嘅湖邊有人聚居，即差不多到達Cape Maclear。去到我選擇嘅Fat monkey住宿落車，可惜Full晒。
2016年5月5日 星期四
Day8(上) 廉潔國度(馬拉維Zomba)
(Day 8)上 2015-9-18
住宿：不知名簡陋住宿
行程： Zomba —> Mongochi —> Monkey Bay —> Cape Maclear
這間住宿早餐豐富，環境算是不錯，享受自拍之際醒起不是享受的時候，先攪Visa才是正經事。
2016年4月28日 星期四
續Day 7 討厭的國度(馬拉維Zomba)
續(Day 7) 2015-9-17
住宿：Annie’s Lodge Zomba
行程：Chiponde —> Zomba
終於繼續連載非洲之旅，話說上回講到我進入馬拉維國境時有阻滯。上網查過免簽證嘅特衰護照，去到關口就俾職員要求出示簽證，而免簽嘅BNO又因為早前入莫三比克時無用過而唔用得。出動到祖國領事大人都不得要領，唯有接受現實。好在仍可先入境才辦理簽證，不過就要偏離原定路線，要往南部一個叫Zomba嘅城市辦理。我橫渡非洲嘅路線係一路向西，中途要會合港女。現在偏離航道，唔知時間追唔追得返，令人擔心…
2016年4月23日 星期六
Day 6 印尼之旅完及後記
(Day 6) 2016-3-6
行程： 雅加達 —> 香港
0345起床，有早餐食，用十多分鐘三扒兩撥食了點粥、麵包頂肚，相信是昨晚食淨嘅buffet，但總好過無吖。
有穿梭巴士到機場，到華航check in櫃台，看見有一班典型big 6人辦登機手續，不禁皺起眉頭。不是看不起big 6人，而是這土頭土腦外貌嘅人，以我旅遊的經驗來看，加上於機場工作了多年，真的唔會好得幾多，後來證實我講嘅野是對的。
2016年4月18日 星期一
Day 5 享受最後時刻(印尼雅加達)
(Day 5) 2016-3-5
住宿：ibis Styles Jakarta Airport Hotel
行程：日惹 —> 雅加達
0900起床，早餐時又「銀仔mode」 plan埋餘下嘅半日行程。已知唔夠時間去另一個聞名嘅普蘭巴寺，見有咁多清真寺，便想帶港女去參觀吓，去reception問吓有乜推介先。回想自己在埃及第一次參觀清真寺，當時參觀左好多間。我總覺得伊斯蘭世界係最有異國風情嘅地方。
2016年4月14日 星期四
Day 4 又來冒險(印尼婆羅浮屠)
(Day 4) 2016-3-4
住宿：Pop hotel
行程：泗水 —>日惹
0545起床，收拾行李食過匆忙早餐後，急急腳前往火車站。早餐食左D粥，夠飽肚。（港女按：喺印尼差不多朝朝都花生、油炸鬼送白粥，好懷舊呀！）酒店都算係咁，咁早都有早餐食，可能住得這裡部份客人都係搭早上嘅長途火車。
2016年4月10日 星期日
續Day3 初出茅廬(印尼泗水)
續(Day 3) 2016-3-3
住宿：Hotel Sahid
行程：Cemara lawang —> Probolinggo —>泗水
早餐完執拾行李離開，隨即烏雲蓋頂，更下起雨來，難道山上嘅陽光真的咁短暫？
大約11點去到小巴站，小巴只得我兩人，看來剛開出一班車，車長索價每人4萬($2x-HKD)，但要等到坐滿人。
2016年4月1日 星期五
Day 3 負責任的旅行者(印尼婆羅摩火山)
(Day 3) 2016-3-3
住宿：Hotel Sahid
行程：Cemara lawang —> Probolinggo —>泗水
0345時起床，因為自尋日上山後就烏雲蓋頂，傾盆大雨，直到瞓覺前都未曾停過，所以一起身就外出抬頭看看天色。驚訝嘅係，竟然見到星空喎！尋日嘅住宿職員話這裡日出時一定有太陽，而其餘時間通常都落雨，唔通佢真係無呃我？尋晚聽佢講時，也望望個天，心諗呢啲騙徒技倆呃我唔到嘅⋯ 殊不知原來係真！望了一會又感到天氣十分寒冷。
2016年3月26日 星期六
Day 2 騙案之都(印尼婆羅摩火山)
(Day 2) 2016-3-2
住宿：Cemara Indah Hotel
行程：泗水 —> Probolinggo —> Cemara Lawang
0915起床，打開窗簾發現原來房間是停機坪景！
食酒店包嘅早餐，以二百多元一晚房錢算是多野食了。不過竟然連早餐都有印尼蝦片，可以想像蝦片對印尼人有幾重要。食早餐才開動「銀仔mode」上網搵去火山嘅資料，應該先要到Probolinggo（中文叫龐越）嘅地方再轉小巴前往。大部份遊行都要跟奸詐當地人絞盡腦汁，因為好多當地司機一車就車你去旅行社。
2016年3月21日 星期一
Day 1 de lay no more(印尼泗水)
(Day 1) 2016-3-1
住宿：Ibis budget hotel
行程：香港 —> 印尼雅加達 —> 泗水
今次準時到達機場，無令港女嬲爆，會合港女後先食個Tea便離境。
今次選乘華航CI 679雅加達來回，來到機場港女發現香港有直航泗水，可惜買機票時根本無諗住去泗水，如果唔係試吓check泗水入雅加達走都好，唔使買多程內陸機。而我於機場工作多年，亦都喚起我記憶，係喎！有機直航泗水喎！（港女按：票價問題已於上回解說）
2016年3月17日 星期四
印尼indomie之旅
部份人的世界真的很小，只有日韓星馬泰！為何又講這話題？因為這趟印尼之旅，又一次令我深深體會到身邊嘅人的世界觀。我成日於遊記咁講，可能會得罪好多香港人。不過我部落格宗旨是記下我的遊歷，無需要討好所有人，而且這些都是我親身經歷，無老作喎！
2016年3月12日 星期六
Day 6 後記・星馬之旅(完)
(Day 6) 2016-1-16
行程：新加坡 —> 香港
1100起床，由堂姐call Uber去飲茶，有免費住宿、尋晚又黐咗餐海鮮食，飲茶當然爭找數啦！都係鍾意西方習俗AA好D，均均真真，唔使差住人情唔舒服。
2016年3月6日 星期日
Day 5 世界級景點(新加坡)
(Day 5) 2016-1-15
住宿：親人屋企
行程：新加坡
由於間房冷氣壞咗，所以同港女做廳長，瞓到1000自然起床。因為唔想中午炎熱天氣外出，所以食完自製早餐就係屋企hea。
2016年2月28日 星期日
Day 4 重逢(馬來西亞/新加坡）
(Day 4) 2016-1-8
住宿：親人屋企
行程：Tanjung Piai —> 笨珍 —> 新山 —> 新加坡
0700起床，刷牙期間港女不停催促，叫我快D出嚟欣賞風景。嘩！原來房間可以瞓住係度睇日出架! 咁嘅價錢真係抵到爛。欣賞完日出後，因為要趕搭返笨珍嘅巴士，所以無食到酒店包埋嘅早餐。
2016年2月24日 星期三
Day 3 天涯海角(馬來西亞Tanjung Piai)
(Day 3) 2016-1-7
住宿：Tanjung Piai resort
行程：新山 —> Tanjung Piai
今日嘅目的地，是想去看看亞洲大陸最南端嘅所在地。
0800起床食酒店包埋嘅早餐，中式有粥、西式有薯片焗豆，仲有日式昆布湯之類，都算豐富。
0915 check-out後，要等到1000才有shuttle，便步行前往巴士站，唔等shuttle了。
2016年2月21日 星期日
Day 2 Book住宿問題(馬來西亞新山)
(Day 2) 2016-1-6
住宿：Grand Bluewave Hotel
行程：新加坡 —> 馬來西亞（新山）
如題! 是否該Book定住宿，對於我無定向嘅人來講偏向唔Book定，所以我嘅行程9成都係去到邊住到邊。但港女較有計劃嘅人就偏向book定，所以這問題於旅途上經常成為話題。其實無對與錯，只用自己喜愛嘅方式就好了。今日，偏偏我就跟港女角色對調，真攪笑~
2016年2月18日 星期四
Day 1 最佳航空公司(新加坡)
(Day 1) 2016-1-5
行程：香港—>新加坡
住宿：親人屋企
［新年樓樓，寫埋較有農曆新年氣息嘅星馬短線遊先~ 順便係下個旅程前清左呢篇短線遊記。］
先由港女online Check in ，寄存行李櫃台1915關閉，我1910才趕到，幸好來得及寄存久未出動過嘅大喼，又嬲死港女（港女按：我本來諗住用激將法，話佢1915才到，點知真係差d俾我批中，佢無希望咖喇。另外，好在香港都唔係太凍，我放工返屋企沖個涼，著條背心裙，加件薄外套就可以去機場，唔使孭件大褸過去差不多到赤道的新加坡。）
訂閱：
文章 (Atom)