Day 18 忽然越南! 東南亞之旅(完)

(Day 18) 2014-6-6

住宿：Vissai Saigon Hotel

行程：柬浦寨暹粒—>越南胡志明市

用盡整個上午時間去遊覽，返Hostel沖涼check out，食完午餐坐篤篤車去機場； Check in 時竟然話下一程，即由胡志明市回港既無位，但我張e ticket 明明話confirm喎！ 好明顯overbook啦！下一程係坐CX，實嘈佢同叫佢比番晚酒店我住架！ 好在我仲有多一日假期啫...

One Stop Hostel就係呢條巷仔入去~

原來呢程係吳哥航空，全班機得8名乘客，真係蝕大本囉!

到達胡志明市，地勤職員講原來係flight cannel，仲話已用Email通知晒乘客喎! 我無收過囉! 

原先這個行程都諗住路經越南，所以一早已辦好Visa，但由於排華所以取消越南行程，殊不知又忽然停越南，Visa都派上用場。

CX free 左晚酒店比我連晚、早餐，明日有三班機我揀，選擇了1125

雖然係航空公司問題，其實我都想爭取多D，因為我都係機場工作過一段長時間，絕對明白航空公司既運作，但我真係做唔出好似某些國民咁大吵大鬧，為抓多點賠償... 不過可能因為我仲有多一日假唔心急掛!

Vissai Saigon Hotel ，自助餐唔錯；

晚飯後乘20分鐘的士去地勤推介既夜市$97000($33-HKD)，但去完回程竟要$140000，差不多多了一半! 肯定兜路! 但我最後因為無錢，比晒$114000佢，司機仲笑笑口講無所謂，仲唔係偷雞唔到蝕榨米!

法式建築

越南特產 -- 咖啡

見到呢架單車賣咖啡，可想而知當地人幾鍾意飲咖啡!

街上除左咖啡外就係電單車頭盔既舖頭

健康生活

雪糕店有旅遊指南攞

(Day 19) 2014-6-7

行程：越南胡志明市—>香港

酒店早餐唔錯，係越中mix，唔錯! 食完有專車車我到機場check in，又係尋日個地勤小姐，話會當我貴賓看待喎! 行李貼上bussises Label，但就比個經濟位我⋯ 算吧，反正都係經濟位最前排。

維他橙汁？ 未飲過噃!

遊記完結前，順便update一下旅途上各朋友既近況：法國朋友Julien返回法國； 加拿大女仔Marie無再同Julien一齊，返左蒙特利爾屋企，果然視大家為性伴⋯ 唔係，係旅伴! 哈哈~ 租車老闆Siay終於聽我講再次談戀愛； 韓國女仔Anna 返韓國後搵到份新工，做漢語翻譯。

坐車去旅行，浪遊東南亞之旅完!