集體回憶

集體回憶

 

尋日有個係外國返黎既小學同學 ,

相約左大約7 ,8個小學同學出黎見面

屈指一算原來我地已經離開左小學14年lu...

差不多全部人我都係畢業後沒見過面

只係有一個同學好間唔中咁一年見一次...

 

我地相約左係一間酒樓飲茶

個個都有好大轉變 ,當然係講個樣啦!!!

由其是女仔,真係女大18變...

唔係 ! 係28變之真!!!

佢地仲有一兩年都28 lu...

哈哈~ 不過我地男仔個樣佢地就話一D都無變woo!

我地全程就不停攞張畢業相出黎認人

個個都講吓自己呢十幾年既野

佢地有D結左婚,有D仲有埋BB tim...

唉... 相比係我...

最後好似有講不完既說話咁 ,

係酒樓一飲就飲左幾粒鐘!

 

之後我地仲一齊返母校

同附近以前小時侯成日玩既地方集體回憶tim...

回來學校同附近都變左幾多!

其實母校同我阿媽屋企只係一條馬路之隔

我日日返屋企食飯都係留意到tim!

我地仲唸返以前小孩既唸法 ,

例如 ,呢個操場原來係咁細woo!

我地以覺得呢度好大 ,跑到好辛苦

原來呢度係咁 ,原來呢度又只不過係咁等等...

都真係幾得意~

 

 

 

回憶之旅 -- 澳洲(下)

澳洲 2001年9月

係澳洲,週街都見到有賭場,又係一大班團友碰吓運氣既時候喇!

我隔離果個就一蚊一蚊咁玩老虎機,都唔知點玩,當佢玩到7,8蚊,唸住叫佢走之際...

回憶之旅 -- 澳洲(上)

澳洲 2001

係2001年既9月,係一個無意中既情況下認識左澳洲。 咦!!! 寫返回憶之旅先發現,原來我既第三次旅行已經衝出亞洲啦~ 真係開心~

回憶之旅 -- 韓國五天團

韓國五天團 2001

當我畢左業,離開了父母既父蔭後,就係我既旅遊路上,踏入結伴同遊既階段lu~

我認識左一個好重要既人,係佢令到我愛上旅行的;雖然係佢令到我鍾意去旅行,但係佢係從未出過國架!

Happy Birthday ... to me !

今日係我既好日子 ,就係我生日啦~

今日係一個好特別既日子,就算相識左十幾年既朋友,或者有d 成一年都無咩點聯絡既朋友,都會記得係今日send個SMS或者打個電話比我祝賀! 點解呢???


咪因為今日係萬千星輝賀台慶law~  真係好多謝佢地呀~

不過佢地既生日我就無一個記得!!! hehe 係咪好衰呢!



其實今晚原本要返夜 ,我都唔想放假,但咁啱聽朝又有野做 ,所以就編左我放假喇...


我起初唸住跟平日一樣咁過 ,返阿媽度食飯,點之比 d friend 知道我無節目,就話點都要同我食餐飯woo~

總之點都好,同自己講返句,Happy Birthday ... to me !



呢個係過左三年期既蛋糕, 哈哈 !

第一次搭飛機 -- 泰國

泰國 1998年

人生第一次搭飛機去旅行就係發生係98年剛考完會考放榜,當時就係由阿爸阿媽請我去泰國旅行,曼谷巴提雅5天團。

前言

D blog友成日問我點解唔update ,其實一段日子無去旅行 ,連寫blog既意欲都無其他野我又唔想寫 ,又唔想寫得好地地個blog無拿拿停左 ,同唔想無左一大班blog認識志同道合既朋友。


起初我寫blog都係唸住記低我既東歐之旅,無唸住會有人睇架! 點知有人留言之外仲有人訂閱,更加無唸過有係外國住既blog友回港後揾我食飯tim~


所以在無野想寫既情況下 ,就想寫返自己既旅遊歷程; 雖然我去過既地方,對blog上既朋友黎講真係小巫見大巫...



再者 ,我發覺人既記憶係會因時間關係而慢慢消失的,我怕我連呢少少印象都無呀~ 所以促使我寫返回憶之旅,由第一次阿爸阿媽請我去旅行 ,到結伴同遊 ,接著直到依家一個人旅行,係我既基本旅遊歷程~

旅行主題曲

早幾日返工途中 ,搭巴士時聽吓MP3

聽到其中兩首歌 ,突然腦海浮現出幾年前隻身去

埃及既情景...

其實我之前聽親呢兩首歌都會唸返起埃及

唔知點解今次突別強烈 ,

可能早前寫返埃及既遊記瓜~

呢兩首歌就係"平井堅"既"輕閉雙眼"

同埋"林依晨"既"孤單北半球"勒!

亦都係我去埃及時手機裡既其中兩首MP3

 

======================================

"平井堅"既"輕閉雙眼"

當然係因為出發前睇完"在世界中心呼喚愛"啦!!!

雖然成首歌係日文, 都唔知佢唱咩野

但係呢首歌就帶到比我有一個人係旅途上既感覺

 

而"林依晨"既"孤單北半球"當然因為好聽啦!

出發前亦都睇完我近年既第一套台劇"愛情合約"

呢類既純愛情喜劇我都好少睇

不過睇完又幾得意woo !

成套戲低低能能 ,白白痴痴咁 ,幾好笑~

自始我偶然都會睇吓呢類既台劇...

"孤單北半球"係"愛情合約"既女主角林依晨既

片尾曲

一集裡面播幾次 ,同用埋黎做背景音樂

做到想唔記得呢首歌都唔得啦~

不過呢首歌真係超好聽 ,歌詞亦填得十分好

所以呢首歌亦都係我近年最鍾意聽既一首歌!!!

更何況去埃及當時係睇完呢套台劇 !!!

呢兩首歌就好像我既埃及主題曲

聽返就會唸返起呢次旅程...

而聽返"孫燕姿"既"遇見" ,

就令我唸返當年去希臘既情形...

唔知其他人會唔會好似我咁有呢 D 旅行主題曲呢?

 

=======================================

孤單北半球 - 林依晨
     曲︰方文良
     詞︰BENNY C
     編︰方文良／梁介洋

     用你的早安陪我吃晚餐
     記得把想念存進撲滿
     我　望著滿天星在閃
     聽牛郎對織女說要勇敢

     不怕我們在地球的兩端
     看你的問候騎著魔毯
     飛　用光速飛到我面前
     你讓我看到北極星有十字星作伴

     少了你的手臂當枕頭　我還不習慣
     你的望遠鏡望不到　我北半球的孤單
     太平洋的潮水跟著地球來回旋轉
     我會耐心地等　等你有一天靠岸

     少了你的懷抱當暖爐　我還不習慣
     Ｅ給你照片看不到　我北半球的孤單
     世界再大兩顆真心就能互相取暖
     想念不會偷懶　我的夢通通給你保管

 

 

 

 

 

生日快樂

你又大一歲啦~

其實我好想 send 個sms 或親口同你講聲生日快樂架!

不過都係費事打擾你們啦!

或許今次係最後一次同你講生日快樂

因為你就黎結婚 ma...

唔通第日會有個男人無啦啦搵你咩!!!

不過以後我每年都會默默給你祝福的!

今次專程送呢首"劉若英"既"生日快樂"比你聽

我唸你都早已聽過或睇過呢部戲啦

不過呢首歌開頭有係古天樂旁白既

就正係我想對你講既說話...

唯有借古天樂把口代我對你講啦~

最後還是祝你生日快樂呀...

外國既月亮份外圓 ?

中秋節要返通頂都真係幾唔開心...

不過就算放假都係好似同平時一樣 ,一大班friend一齊出黎玩吓咁...

係搭車返工時 ,望一望天上又大又圓既月亮

令我唸返起上年中秋原來係克羅地亞渡過woo...

一個人係當時住係半山既露台 ,仲帶埋月餅同開紅酒係度賞月

仲玩到唔記得左阿媽係中秋前兩日生日tim...

唸返起都幾攪笑~

係香港我一定唔會一個人做埋呢d野架 !

不過外國既月光真係比香港睇到既更大更圓!!!

點解呢???

 

當時賞月既露台

 

 

 

大回歸

呢個幾月真係熱鬧呀!

去左外國住既朋友都不約而同咁返黎香港

當然係埃及既阿泰 ,同埋係蘇格蘭既朋友

全都係識左十幾年既舊同學

所以呢... 平時返工放工外 ,就係一大班朋友一齊玩

我地通常都去"釣魚"

以前我地維繫呢d 十幾年既友情 ,

通常都係去其中一個 friend屋企玩啤牌 ,打牌 ,打機...

但係依家我地改為釣魚

十蚊一盒魚餌就可以玩大半日

係海邊敘吓舊 ,傾吓計 ,hehe哈哈咁~

一大班朋友一齊玩 ,令到呢種沉悶既玩意絕不沉悶呀~

 

仲有唔知點解blog個wallpaper 唔可以變回全螢幕既??? 邊個可以教我...

 

當然一大班朋友hehe哈哈之外 ,緊係有收穫啦~  我釣既呢條魚 ,完全食滑晒所有人呀~ 哈哈 !

流浪後記

流浪後記

回想返呢次埃及之旅 ,真的想不到非常之成功
人生第一次一個人去旅行
想去既景點都去晒 ,而且仲有時間剩tim~
我記得曾幾何時 ,有個人同我講
話我好無用 ,唔成熟 ,唔識計數 ,英文又唔識...

Day 19 以牙還牙 ; 結束埃及之旅

Day 19 2005-7-19 開羅

今日係我埃及之旅既最後一日
與阿泰兩公婆 ,同阿泰既大陸生意朋友小龍 ,
同佢貌似林心如既女朋友一同參觀著名既埃及博物館

阿泰收留既小花貓

Day 18 用雙腳來結束流浪 (吉薩金字塔+開羅 )

Day 18 2005-7-18 吉薩+開羅

住 :阿泰屋企



經過八小時既車程 ,係朝早六點終於到步 ,

起初唸住返到開羅先再轉的士去吉薩參觀金字塔

但係準備落車時 ,原來係開羅前仲有一個吉薩 (Giza) 站woo ,

梗係即刻跳落車啦!!!

不過講返轉頭 ,係火車上就有d關於埃及人既不愉快事情...

續 Day 17 不一樣的遊覽 (下 ) (Luxor)

Day 17 2005-7-17 (Luxor)

住 :火車上 sleeping car



返到古納村抖左陣 ,隨即攞返架單車 ,向最後一個景點"哈根蘇神殿"進發

(Temple of Hatshepsut)

點解係幾個神殿之中選擇"哈根蘇神殿" ?



因為從書中睇到神殿既相片十分宏偉 ,所以就想去睇睇law~

沿住馬路踩單車 ,看到一架又一架坐滿遊客既旅遊巴係馬路上來往

不過佢地都係用奇異既目光望我...

憂家事 .忙自己事

近來真係無咩時間寫 blog ,因為又要返工 ,又要忙緊一D事

我雖然一直都係一個人住 ,但係終於置業安居啦~

所以近來或者未來幾個月會係忙緊呢D事 ;

之前睇樓我已覺得呢個單位有D親切既感覺

令我回憶返係希臘Oia住既情形

因為大家既共通點就係望海~

我已決定我既睡房設計成藍與白 ,成為個小希臘既空間 ;

所以之前計劃既秋季旅行就要順延勒

如果啱啱買完樓 ,減完阿媽家用

轉頭就話去旅行 ,實比阿媽摌到上天花板呀 !

==================================================================

而憂既就係家事

婆婆既病 ,衍生左我阿媽佢地六兄弟姊妹既好多問題

激到阿媽日日都唔開心

真係唔知點解有D人真係幾十歲人都唔化既...

繼婆婆既病 ,又接住公公有病

係cancer...

 

 

 

 

Day 17 不一樣的遊覽 ( 上 ) (帝王谷 ,皇后谷)

Day 17 2005-7-17 住 :火車上 sleeping car



一大清早六點起床 ,食左 D 尋晚買返黎既麵包做早餐 ,

就出發前往西岸 "死者之地”遊覽



當我行到河邊，已有一個自稱係的士司機既人，

問我係咪過河 ,一百蚊可以包架的士一日

我當時無理會佢，因為我心目中早已有參觀帝王谷既玩法

就係騎騾仔遊覽

一日瞓足十六小時

今個星期有三日每日瞓足16小時 ,因為我中左招... 流行性感冒...

星期日做野時相信被果個肺癆鬼傳染既

星期一返工開始作病

星期二放假睇醫生 ,醫生話感冒有發燒 ,全日係咁瞓

星期三返工 ,呆呆滯滯 ,好彩無咩野做

星期四再睇醫生 ,繼續有燒 ,醫生話流行性感冒 , 2 Day sick Leave 瞓足16小時

無辦法啦 ,要攞 sick leave 一定要睇政府醫生

星期五仍然瞓足16小時 ,夜晚睇私家醫生

今日精神好多lu ,唔知係咪私家醫生關係 ,定係D病參唔多自己好呢 ?

成個星期都好似瞓係張床度 ,什麼都無做過...

Day 16 無節目的一天

2005-7-16 Day 16 住 :Hotel HKD $ 45 (Luxor )



今日一瞓醒 ,決定搵一間好D既酒店

落到接待處個接待員問我參唔參加 tour 去帝王谷 ,

話尋日同我一齊黎既三個韓國學生都參加左woo...

我梗係唔參加啦~ 

因為我已決定左參觀帝王谷既玩法勒!

續 Day 15 埃及人...( 阿斯旺 )

續 2005-7-15 Day 15 住 :Hotel HKD $15 (Luxor)

 

坐左兩個幾鐘頭車 ,跟住就去下一個景點  ,軍隊護送亦到此完畢 ,

去到Philae神殿

原來只係得我地一車人黎咋~

跟住就發生左d埃及人既衰野...

 

事原我一落車就想去買罐野飲 ,果條友一開價就要$15 埃磅 ,痴線!!!

於是我就掉頭走 佢就話 $5 蚊罐 ,當我買完時 ,

大隊已經買左入場票係碼頭等緊船 (Philae神殿必須坐船去)

於是我便拿拿臨去售票處買票啦...

當我比張 $100 埃磅佢 ,佢竟然找返張 $10 蚊比我

當時我問" What " ,(心唸Abu Simbel都無咁貴啦）,

於是佢先再比多張＄２０蚊比我 

由於 d圑友已係碼頭等緊船 ,我緊係即刻會合佢地 ,

然後搭船前往 Philae 我係船上 ,越唸越唔對路 ,

攞張飛出黎睇 ,原來張飛只係$ 45咋...

比人呃左$ 25 蚊...真激氣!!! 

 

 

====================================================================

 

Philae神殿係一個島上 ,少了Abu Simbel既氣勢 ,

整個神殿只係得我地十個八人參觀 ,分外冷清...

之後去左阿斯旺水壩 ,呢個偉大既工程令到唸起我們偉大的祖國既三峽工程

 

 

Philae神殿

 

 

阿斯旺水壩

 

 

 

最後去左無人想落車睇既前蘇聯送既紀念塔 ,就完結整個旅程 lu ~

 

 

====================================================================

 

係回程途中 ,在車上認識到幾個係開羅讀緊大學既歐洲學生 ,

分別來自瑞士 ,瑞典同法國

我真係好好奇佢地點解會揀埃及而唔係西歐讀呢

 

佢地話覺得埃及有輝煌既歷史 ,好有興趣 ,而阿拉伯話亦好有用woo...

佢地仲叫埋我一齊玩tim~

不過佢地既好意我心領啦 ,我只想一個人自由咁玩

我唸join 埋佢地 ,當然由佢地做主導啦 ,咁就無咁好玩lu ...

 

唔想佢地咁無癮 ,於是我口頭應承左佢地

當架車駛到我住既酒店時 ,扮慌張咁落車 ,say 左聲 byebye ,

告別左一班不同國籍既團友

返到酒店都已經4點lu ~

 

======================================================================

 

沖完個涼就收拾行李 ,係酒店門口叫左架馬車送我去火車站

(之後我都經常用馬車來代步)

去搭6 點既火車去樂蜀 ,我係坐First class只係幾十蚊埃磅

座位係飛機座位 當然無飛機d 咁靚啦 !

但係好寬敞 ,我咁高都唔頂腳 ,呢 d 係飛機無既 !

咁又使唔使比六十幾美金坐sleeping car呢?

 

坐我隔離既係一個英國既導遊 ,一個人黎考察 ,

大家傾談間發覺自己既英文進步了不少

 

鍾意就好鍾意 ,唔鍾意就唔鍾意 ,呢 d 就係我既性格

就好似中學時 ,鍾意既科目就好比心機 ,但極唔鍾意讀英文既我 ,

堂堂都瞓覺 會考作文仲交白卷 ,係個Hall第一個走人tim ! 

所以會考我英文係" U "架!!!

 

以前既我 ,我唸英文只有小學水平 ,好彩之前讀左個英文course

雖然grammar仍然勁差 ,但生字就識多左好多...

 

之前我連looking for 同on time 都唔識點解架!!!

明白到書到用時方恨少既道理...

亦有friend 話我 ,人地讀英文就為工作為上進 ,我讀英文竟然為去旅行

唸起都幾攪笑~

 

 

坐左三個鐘火車 ,去到樂蜀 ,落車時見到今朝一齊 join tour 既三個韓國人

原來佢地係學生 ,於是我地一齊搵酒店

 

期間有個人兜住宿既人黎搭訕 ,我問他書中所講既酒店幾錢

佢話果間好貴 ,要$ 30埃磅(HKD $45)  ,我當然覺得唔貴啦 !

不過果三個韓國學生竟然話:[ 嘩... expensive]

(我係度唸 ,雖然係學生啫 ,不過韓國生活指數都高woo...)

 

最後由於夜晚 ,唔想週圍搵住宿 ,就跟左佢去用$10 埃磅一晚既住宿

係一星酒店 ,房間尚算企理 ,不過無窗 ,廁所要share...

 

於是返落去reception check in ,

果個接待員以為我同果幾個韓國學生一樣係學生

用好輕視既態度問我係咪student

  我唸唔通學生就好失禮咩

 

當我填果份check in 表格 ,係職業果欄填civil servant ,

佢就唔識呢個英文問我係咩野職業

我答佢work in government 就無理佢掉頭走 lu...

 

D埃及人個個都係錢字行頭 !

 

行程表

 

 

是非成敗轉頭空

人生在世 ,係咪應該盡量享受人生呢?

早幾日前 ,一向辛苦同硬頸既婆婆突然倒下 ,仲要係屋企堅持左幾個鐘 ,先肯去急証室

經醫生診斷後証實為"中風"右邊身不能動...

由我細細個 ,過時過節去阿婆度食飯 ,都見佢親自下廚 ,婆婆都好咀叼 ,成日都要食好野

佢親自下廚 ,又唔比我地幫手 ,自己廚晒十幾人既飯餸 ,通常都係我地差不多食完佢先廚晒飯出黎食...

直到呢十年八年搬左入東涌 ,都時不時堅持出黃大仙 ,荃灣等地買餸 ,一買就買好多 ,佢話東涌d餸又貴又

唔靚woo...

自己一份既堅持 ,為家人廚飯廚足三餐  ,一世粗勞 ,從未享受過 ,為什麼???

唸起呢點我都好傷心 ,好彩早前端午節有去婆婆度做節 ,食到佢整既晚飯 ,同比左d錢佢 ,都未算遺憾...

不過就算係醫院病床上 ,都成日話要返屋企開飯 ,意志真頑強 !

可能婆婆依家先係一生人最舒服既時刻 !

婆婆呢個case ,令我唸到 ,人生在世 ,係應該要去享受既

當然係要能力範圍內啦~

好似有個有錢人爭家產 ,比佢贏左挪到筆遺產 ,最後無耐都係因病去世 ,有錢又如何?

每個人既金錢 ,功名 ,是非成敗最終都係一場空咋!!!

所以我一向唔鍾意隨波逐流 ,用自己方式生活

目前既目標係想住好d ,想返到屋企都有放假去旅行既感覺 (唔知得唔得呢? )

我會同旅行既目標最個平衡的 !

Day 15 星光伴我行 (傳說既Abu Simbel神殿)

2005-07-15 Day 15 住: Hotal HKD $15 (Loxur)

 

因為參加個左 tour 去Abu Simbel ,架車凌晨三點鐘會黎酒店接我 ,

所以我二點幾就起左身 食左酒店供應既早餐後 ,

就望出窗外 ,感受寧靜既阿斯旺街頭 ,等候車黎接我...

令我唸返起當年去澳洲坐熱氣球睇日出都係咁早起身架~

 

過左無耐 ,有架16座位既小巴黎接我 ,  當時車內只坐了一半人,

我揀左個單人位坐以為會好舒服啦...

點知之後去唔同既酒店接人 ,連中間既走廊位都要加埋位

就好似我細個搭小巴返鄉下一樣 ,坐爆晒架車...

 

開左大約一個鐘頭車 ,去到一個旅遊巴集合點 ,

大約都有大大小小二三十架旅遊巴

然後一齊出發前往Abu Simbel

 

係擠迫既車箱中,令到我之前做完膝蓋手術既右腳無法伸展 ,

只好忍住膝蓋既酸痛...

係途中既窗外 ,漆黑一片 ,又係見到滿天星既時候 ,當時想起...

我好似之前睇到流星 ,都唔記得許願woo... 於是我就目不轉睛咁望

住個天等待流星出現...

 

不過望左好耐好耐都無流星出現 ,我就記得之前曾經睇過報導

話其實天空上根本就經常有流星出現 ,只不過有時可能環境太光

又或者粒星太暗而睇唔倒 ; 於是我唸 ,

其實依家上空不停有流星出現既 只不過我睇唔到啫 ,

我便一箱情願咁許左個願 ,

跟住就係滿天星光 陪伴著前往Abu Simbel 既車龍下 ,慢慢瞓著 lu~

 

當我被無邊際既沙漠盡頭 ,地平線昇起既太陽弄醒後 ,無耐就到目的地啦~

 

前後加埋共4 個鐘既車程真係唔好受呀!!!

 

路線圖

==========================================================

 

係售票處用左$60 埃磅買入場票 ,然後就參觀 Abu Simbel 神殿 ;

我參加呢個tour 其實只不過係包架車去不同既景點罷了 ,

無導遊亦唔包入場費 ,但係我好鍾意呢~

 

自由 d 嘛...  呢 d 正是我唔參加旅行團黎埃及既原因

 

我唸從入口到神殿既一段路係經過精心布局,

從入口到神殿正門 ,必須行一段路 繞過神殿背後 ,先到達正門 ,

所以你未行到最後既一步 都睇唔到 Abu Simbel既盧山真面目架 !

 

終於黎到傳說既Abu Simbel 神殿啦 ~

當我第一眼睇到神殿 ,都不禁 "嘩"一聱叫左出黎

 

呢個曾經失落既遺跡 ,尤其是門口果幾尊巨像 ,真的只可用宏偉來形容呀!!!

(不過我返到黎香港先記起原來"盜墓迷城"都係呢度拍架~)

 

參觀完Abu Simbel 同旁邊較小 ,

同樣美麗的 Nefertari神殿後

一大隊既車隊就離開傳說既Abu Simbel 啦~

 

<<由於Day 15 太多野想寫啦 ,所以Day 15仍未完結 ,下一篇再績>>

 

傳說既Abu Simbel

 

入去啦~

 

Abu Simbel 旁既 Nefertari神殿

 

呢張相有喧賓奪主既感覺tim...哈哈~

 

呢 d 符號究竟點解呢

Day 14 人生首次流浪正式開始啦!!! (阿斯旺)

2005-7-14 Day 14 阿斯旺 住:Hotel 約HKD$ 45

 

行程表

 

朝早9 點終於都左阿斯旺啦~  火車都好準時 !

落車後即刻去櫃台,幾經辛苦終於買左明日傍晚既火車票往樂蜀

點解辛苦? 因為果度d人唔會排隊law...

十幾人堆晒係櫃台窗口七嘴八舌...

一出火車站就有好幾個人問我要唔要住宿 ,

我就跟左一個人去睇吓 ,佢聲稱十蚊埃磅一晚咋! (即HKD $15)

不過我亦聲明睇吓環境先 !

 

行左幾分鐘 ,佢帶我入左係一條後巷既樓梯 ,

上到房見到十分簡陋 ,仲衰過Nori 最初係開羅住既地方 !

個窗只係望住後巷 ,雖然有冷氣...

我緊係無係度住啦 !

 

我想住係望向尼羅河既地方 ,於是我朝向尼羅河 ,沿著河畔一路行 ,

比我係一間五星級酒店對面 ,搵到間比較殘舊而且極少人住既酒店 ,

入到房間一看 ,雖然是殘舊d ,但係其他十分滿意呀 !

 

房間十分大 ,有冷氣 ,獨立廁所, 仲有個露台望向尼羅河 ,

對岸望正貴族陵墓(Tomb of the Nobles),

都只係HKD$ 45咋 !!! 你話仲使唔使住比較新 d 既五星級酒店呢

 

去返接待處攪完check in 後 ,

負責人立即問我 join 唔join tour去Abu Simbel神殿 ,緊係join啦 !

團費$60埃磅 ,仲去埋其他景點...

因為書中講 ,要去Abu Simbel 神殿必需參加 tour 朝早由軍隊護送前往架 ,

因為保護遊客免受恐怖襲擊law !

 

由於 tour 每逢晨早出發 ,攪到我依家無所事事 ,咪沖個涼瞓一陣law... 點知...

點知一瞓就瞓左三粒鐘...望一望隻錶已經下午一點幾啦!!!

 

晨早8點終於到左阿斯旺lu

 

阿斯旺火車站外

 

我住既酒店露台既風景

 

=============================================================

唔想浪費時間 ,我就去左河邊行吓 ,一路行就不停有人問我要唔要船

既然我無咩野做咪用 $ 15 埃磅包架帆船游吓船河law~

望住船家調教風帆同掌舵 .係船欣賞吓兩岸既風景 ,

西岸埃及人認為係死亡之地 ,所以人民主要住係東岸 ,

而西岸則主要是陵墓

 

係船上突然想去河中心既一個島叫大象島(Elephantine Island) ,

遊完船河叫佢係個島放低我 ,一落船就有幾個皮膚黑黑的細路走出黎 ,

話只需比 $ 20 埃磅就可以帶我遊覽島上既努比亞村(Nubian Village)

返正無野做咪跟佢行吓law...

從書中講 ,努比亞人原本居住係埃及同蘇丹之間既地區 ,

不過埃及後來興建水壩 ,呢處土地就比河水淹沒 ,

於是努比亞人就遷徙到附近地區居住 ,而大象島就是其中一處...

一個民族完全散晒真係慘!!!

 

幾個細路帶我週圍參觀 ,村內好殘舊同好少人 ,

只係見到d 細路 ,佢地話村內有人過身 ,所以d村民去晒出席當地既儀式...

之後仲同佢地踢波tim~  踢到身水身汗...

 

努比亞村

 

 

 

就係呢班"阿Dee"帶我週圍玩啦~

 

飲完支汽水同抖左一陣 ,突然好想坐帆船係尼羅河上睇日落呀 ~

班細路都有帆船 ,於是比左 $20 埃磅兩個鐘 ,

叫佢帶我兜大象島一個圈 ,佢仲話帶我去島後面睇鱷魚tim~

係船上見佢地用個膠樽就裝 d 河水上黎飲 ,我見d 河水十分渾濁 ,咁都飲得???

不過無耐就無風lu... 帆船都行唔到...當然去唔到睇鱷魚啦 !

只係望住太陽緩緩咁係大象島下降落 ,

真是夕陽無限好呢~ 

 

"夕陽無限好"亦都係陳奕信當時既新歌

係架船上唔經唔覺就兩個鐘lu~

 

輕帆暢遊尼羅河~

 

在帆船上睇日落

 

遊完船河都已經7點幾lu~  於是逛左陣市集,

買左個雞肉捲做晚餐同一支甜筒一路行一路食,

然後再買幾個橙返酒店食...

返到酒店,望一望約有八層高,但全都烏燈黑火,唔知成間酒店有無十戶人住呢...

至少係我果層感覺唔到有人氣...

 

返到酒店,看到對岸既貴族陵墓打晒燈,好靚呀!

 

 

羨慕+小事幾則

早前睇完阿恆阿清佢地去完馬爾代夫既相,當然除左靚之餘,仲有既感想係...

覺得自己好黑仔...

 

阿清佢地係馬爾代夫並無"咩樽"潛水,只係玩浮潛,

但係佢地竟然一次過見到有鯊魚,海豚,海龜同魔鬼魚呀!!!

而且好多都係係岸上面見到係淺水區游過的...

 

馬爾代夫我早好多年前都去過,亦都無"咩樽"潛,

不過前後都係澳洲大堡礁,埃及紅海"咩樽"潛過...當然有睇到

美麗既珊瑚同珊瑚魚啦~

不過特別既魚就只係係馬爾代夫見過一條小小既魔鬼魚游過...其

他既就全部都睇唔到呀!!!

假假地都係十大潛水聖地woo...點解無架!!!

 

以前以為潛得唔夠深,今次終於明白,係運氣既問題...唉...

 

=================================================================

 

近日來打開報紙,成日見到阿泰個妹係娛樂版見報,有次仲全版訪問tim~

真係多得佢做"謎女郎" 成為熱門話題,早前就連同事間都談論呀!

究竟呢個角色有咩作用呢??? 至今仍係一個..."謎" ...

 

星期日去完旅遊展,不過係last一日去,主要逛中東,非洲,歐美既展館,

但好多既攤位如墨西哥,古巴,等等都已人去樓空lu...

不過係秘魯攤位仍能挪到好多資料,

仲認識到一個曾經係墨西哥讀過三年書既朋友仔tim~

旅遊展,我第一年去咋,廿蚊真係好值得呀!

 

早前收到個E-mail,有個日本朋友係7月尾一個人話黎香港同澳門旅行,

我同佢相識於克羅地亞既Dubrovnik,我當時剛到步,而佢就last day,

佢同我都一樣,都係一個人,但係佢最犀利既係一個女仔旅行...

 

當時知我來自香港,佢仲話下一站會去香港玩,

不過當我返到黎香港都唔夠兩個月,佢就話黎HK,我上次要返工

都無時間陪佢,今次應該會做旅遊大使陪佢玩返一兩日既...